'శంభో!'శతకపద్యములు ;- టి. వి. యెల్. గాయత్రి.-పూణే. మహారాష్ట్ర

 (కందములు )
46.
 పులితోలు గట్టి నీవే
నెలరాజును సిగను బెట్టి నెఱవుగ వెలయన్
వలపుగ బార్వతి రాగా
నలగంగాదేవి దూకె నదరుచు శంభో!//
47.
 శివ శివ!యని పిలిచితి
దివసము రాత్రియు మఱచితి దేవర!నీకై!
నివసింపర!నా మనమున
భవహర!నిన్నే గొలిచెద బ్రణతుల శంభో!//
48.
కైలాసంబున ముదముగ
శైలజ సహితుండ వైన సదమల హృదయా!
లీలఁగ నీ లోకంబుల
నేలెడి హర!నిను భజింతు నిఱవుగ శంభో!//
49
 మురియుచు నీ విగ్రహముకు 

విరిమాలలు జుట్టి మ్రొక్కి  వేడుక మీరన్
దిరముగ నపచిత సల్పెద
జిఱునగవుల తోడ పూజ జేకొను శంభో!//
50.
తని వారగ నీ సేవలు
మును యోగీశ్వరులు సురలు ముదముగ సలుపన్
జనియెద రట నీ లోకము
నిను చూచుట కొఱకు వారు నిష్ఠగ శంభో!//