శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

801)అక్షోభ్యః -

క్షోభనునది తెలియనట్టి వాడు 

బాధలు ఎరుకయుండనివాడు 

కష్టనష్టములు దరిలేనివాడు 

శాంతిరూపంలో నుండినవాడు 

శ్రీ విష్ణు సహస్రనామాలు ఉమా!

802)సర్వ వాగేశ్వరేశ్వరః -

వాక్పతులకునూ ప్రభువైనవాడు 

బ్రహ్మాదులకునూ పూజనీయుడు 

వాగీశ్వరులకు గురువైనవాడు 

అత్యంత గొప్ప స్థానమున్నవాడు 

శ్రీవిష్ణు సహస్రనామాలు ఉమా!

803)మహా హ్రద-

గొప్ప జలాశయము వంటివాడు 

భక్తి దాఁహాఁర్తిని తొలగించువాడు 

జీవశక్తిని ప్రసాదించుచున్నవాడు 

మహాహ్రద నామమున్నవాడు 

శ్రీవిష్ణు సహస్రనామాలు ఉమా!

804)మహాగర్తః -

అగాథాలతత్వమున్నవాడు 

లోయలలో దాగియున్నవాడు 

ప్రకృతిలో అంతుచిక్కనివాడు 

మహాగర్తగా నిలిచినవాడు 

శ్రీ విష్ణు సహస్రనామాలు ఉమా!

805)మహాభూతః -

పంచభూతాలకునూ అతీతుడు 

ప్రకృతిలోని శక్తులున్నవాడు 

సర్వభూత శాసనము చేయువాడు 

పంచభూతాల నదుపు జేయువాడు 

శ్రీవిష్ణు సహస్రనామాలు ఉమా!

(సశేషం )