రాజకీయం;- అంకాల సోమయ్యదేవరుప్పులజనగాం9640748497

రాజకీయం

రంకుది, బొంకుది

 కవ్వింపు నేర్చినది

స్వలాభం కోసం

కృత్రిమ సమరాలు సృష్టించేది

రాజకీయం 

అంటే

ఓ సినిమా స్టార్ రైటర్ అన్నట్టు

రా    -అంటే రాక్షసంగా

జ     -అంటే జనానికి

కీ      -అంటే కీడు చేయు

యం  -అంటే యంత్రాంగం

ఇది (నేటి) రాజకీయం

చిరకాల శత్రువులేని

చిరకాల మిత్రులు లేని

ఓ విచిత్ర కలయిక

రాజకీయం వ్యసనమే

1980వరకు

రాజకీయం కొంత లో కొంతైన

జనరంజక పాలన నుండేది

1990నుండి వ్యక్తి స్వామ్యం  పెరిగి స్వార్థం

 వేళ్ళూనుకుంది

2000నుండి  రాజకీయమంతా

రంగులు మార్చే ఊసరవెల్లి

 అయ్యింది

ఆయాపార్టీల్లో

ఆయారామ్

గయారామ్ లు 

 ఎక్కువై

పార్టీల

 జెండా

ఎజెండా 

ఆచరణ సాధ్యం కానీ 

హామీలు

అరిచేతిలో వైకుంఠం చూపే

టక్కు టమార గజకర్ణ గోకర్ణ విద్యలు

రాజకీయం అంటే సకల మానవాళికి కీడు తలపెట్టనటువంటిది

రా-  అంటే రామరాజ్యం

జ  -అంటే జనానికి 

కీ-   కీడు తలపెట్టని

యం  -యంత్రాంగం

రాజకీయనాయకులు

తమ ప్రవర్తనను మార్చుకున్నప్పుడు

వ్యక్తిత్వాన్ని నిలుపుకుంటారు

రాజకీయ అంటే

అది ప్రజాసేవ

రాజకీయం అంటే

సర్వజన శ్రేయస్సు

రాజకీయ మంటే

కుట్ర, కుతంత్రం

రణతంత్రం 

లేని 

జనతంత్రం అదే ప్రజాస్వామ్యం

రాజకీయం అంటే

మనకు (అభ్యర్థికి) దక్కిన గొప్ప వరం

(అది సేవా భాగ్యం)