ప్రబోధ మాలిక;- -గద్వాల సోమన్న,9966414580

పెందలకడనే లేవాలి

శుచిగా స్నానం చేయాలి

దైవ నామ స్మరణ చేసి

ప్రశాంతంగా బ్రతకాలి

త్వరగా సిద్ధం కావాలి

ఉతికిన దుస్తులు తొడగాలి

సోమరితనం వదిలేసి

రోజూ బడికి పోవాలి

గురువుకు దండం పెట్టాలి

వారి బాటలో నడవాలి

శ్రద్ధగా పాఠాలు విని

విజ్ఞానామార్జించాలి

చక్కగా చదువుకోవాలి

ఉన్నతంగా ఎదగాలి

ఉన్న ఊరికి,కన్నోళ్లకు

పేరు ప్రతిష్టలు తేవాలి

అల్లరి పనులు మానాలి

ఎల్లరి మన్నన పొందాలి

మల్లె పందిరి రీతిలో

అల్లుకుపోవాలి ఖ్యాతిలో

చదువులెన్నో చదవాలి

సంస్కారమే నేర్వాలి

అమ్మానాన్నల ఆశలను

దీక్షతోడ నెరవేర్చాలి