'కృష్ణా!'శతకము.;- టి. వి. యెల్. గాయత్రి.పూణే. మహారాష్ట్ర

ఈ శతకము వివిధ రకముల వృత్తములలో వ్రాయబడినది 

=========================================

క్రొత్త వృత్తములు.

============

16.

పాంచాలాంఘ్రి -న, య, గ, గ.

గిరిధర గోపాలా!నీ

చరణములే దిక్కంచున్

సురలట చేరంగా నిన్

సురతుడ వంచున్ కృష్ణా!.//

17.

కరరికా -న,ర, గ, గ.

విరసమెందుకోయీ!నా

కరము వీడకోయీ!సుం

దరముఖారవిందా!నీ

కరుణ జూపూమా!కృష్ణా!.//

18.

రుద్రాళీగణలయనీ - న, స, గ,గ.

ఘనుడ వని నిన్ దల్తున్

క్షణికమగు భాగ్యంబుల్

కనను హరి!నీ రూపున్

గన నిలిచితిన్ కృష్ణా!.//

19.

కృష్ణగతికా -భ,జ,గ,గ.

పాదములు పట్టి కొల్తున్

వేదనలు తీర్చ వయ్యా!

నీదయను జూప రాదా!

నాదరికి రావ!కృష్ణా!.//

20.

చిత్రపదా-భ, భ, గ, గ.

కోరను గోర్కెలు శౌరీ!

భారము నీదని దల్తున్

సారెకు మ్రొక్కుచు నిన్నే

చేరితి నీదరి కృష్ణా!.//