'కృష్ణా!'శతకము.;- టి. వి. యెల్. గాయత్రి -పూణే. మహారాష్ట్ర

ఈ శతకము వివిధ రకముల వృత్తములలో వ్రాయ బడినది.

===========================================

క్రొత్త వృత్తములు.

==============

21.

ఇంద్రఫలా -భ, మ, గ, గ.

పుట్టెడు కష్టంబుల్ కల్గెన్

నెట్టగ నా జీవంబంచున్

గట్టిగ నీ పాదాబ్జంబుల్

పట్టితి మేలొందన్ కృష్ణా!//

22.

వాత్యా -భ,య,గ,గ.

నీలఘన మేఘశ్యామా!

పాలకుడ వీవే శౌరీ!

దాలిమిని జూపంగన్ రా

వేల? పరమేశా!కృష్ణా!.//

23.

పతిసీరా, సరళ -మ, భ, గ, గ.

సంసారంబున్ త్యజియింతున్

దాసోహంబంచును భక్తిన్

నీ సేవల్ చేయగ నిల్తున్

నీ సాన్నిధ్యంబున కృష్ణా!.//

24.

హంసరుత -మ,న,గ,గ.

జీవత్మా!హరి! ముకుందా!

భావావేశముగ పిల్తున్

రావయ్యా!వరద!కావన్

నీవే మా గురువు కృష్ణా!.//

25. క్షమా -మ,ర,గ,గ.

శ్రీరంగా యంచు నిన్ దల్తున్

జేరంగన్ సన్నిధానంబున్

భారంబున్ దీర్పగన్ రావా!

గారంబున్ జూపుచున్ కృష్ణా!.//