సీతాకోకచిలుకలు- జగదీశ్ యామిజాల

చేతికి చిక్కిన సీతాకోకచిలుకను 

విడిచిపెట్టడానికి 

ఇష్టం లేక 

మరీ గట్టిగా పట్టుకుంటే

దాని సున్నితమైన రెక్కలు నలిగిపోతాయి

మన నుంచి విడిపించుకోవడానికి

చేసే ప్రయత్నంలో

దాని రెక్కలు

రాలిపోతాయి.

అయితే

దానిని అరచేతిపై ఉండనిస్తే, కొంత సమయం

అక్కడుండటానికి

ఇష్టపడొచ్చు.

కాబట్టి,

ఈ జీవితంలో, 

నేను సీతాకోకచిలుకల వంటి వ్యక్తులను ప్రేమించడం నేర్చుకున్నాను

వారు ఇక్కడ ఉన్నప్పుడు వారి ఉనికిని ఆస్వాదిస్తాను

వారు బయలుదేరే సమయం వచ్చినప్పుడు డీలా పడక

వారప్పటిదాకా పంచిన ప్రేమను జ్ఞాపకం చేసుకుంటాను

ఇందువల్ల ఓ లాభం

ఉంది...

వారిష్టపడితే

ఏదో ఒక రోజు

మళ్ళీ నన్ను 

చూడటానికీ

పలకరించటానికీ రావచ్చు 

ఒకవేళ అలా రాకున్నా

నలిగిపోను...

ప్రతి అందమైన తోటకీ 

అనేకానేక సీతాకోకచిలుకలు వస్తుంటాయి

పోతుంటాయి...