941)అనాదిః -
ఆదియనునది తెలియనివాడు
సదా భక్తుల్లో నుండు భగవానుడు
విశ్వములో నిరంతరమైనవాడు
నిత్య ప్రాకృతికమూర్తి యైనవాడు
శ్రీవిష్ణు సహస్రనామాలు ఉమా!
942)భూర్భువః -
సర్వభూతాల కాధారమైనవాడు
భూమిని నిలుపుచున్నట్టి వాడు
భూమినేలుచు విరాజిల్లువాడు
ధరణిపై అధికారమున్నవాడు
శ్రీ విష్ణుసహస్ర నామాలు ఉమా!
943)లక్ష్మీః -
శ్రీ లక్ష్మి స్వరూపములోనివాడు
సంపదలకు కారణమైనవాడు
వస్త్రభూషణములనొసగువాడు
శ్రీమంతుడుగా వెలుగువాడు
శ్రీ విష్ణు సహస్ర నామాలు ఉమా!
944)సువీరః -
అనేకవిధములుగా సుందరుడు
చక్కని వీరత్వముగలవాడు
శౌర్యవంతుడుగా యుండినవాడు
సువీర నామధేయమున్నవాడు
శ్రీవిష్ణు సహస్రనామాలు ఉమా!
945)రుచిరాంగదః -
మంగళమూర్తి యైనట్టివాడు
ఒప్పిదమైన అంగములున్నవాడు
సూర్యకాంతివంటి మూర్తిగలవాడు
చక్కని బాహువులతో నున్నవాడు
శ్రీ విష్ణు సహస్ర నామాలు ఉమా!
addComments
కామెంట్ను పోస్ట్ చేయండి