త్యాగమయి అమ్మ -అనురాగమయి అమ్మ;- అంకాల సోమయ్య-దేవరుప్పుల-జనగాం-9640748497

అమ్మ ఎంత యాతనపడ్డదోకదా!

మన (నా)ఈ జన్మకోసం!

తనగర్భమే దేవాలయంగా

మార్చి

కడుపున మోసి 

కనిపెంచిన

ఆ (మన) అమ్మే మనదైవంకదా!?

తన స్తన్యం మనకిచ్చి

తన ప్రతిబింబంమనమని

మన రూపున తను పోల్చుకొని

ఎంత ముద్దు చేసేనోగద మన అమ్మ

మాటలు నేర్చెను తొలి గురువై

గోరుముద్దలు ముద్దు ముచ్చట్లు 

ఎన్నెన్నో నేర్పెను అమ్మ 

నాన్నను చూపిందమ్మా

తను(అమ్మ)మూలవేరైతే

పైకెదగిన కాండం నాన్ననెను

అత్తమామలు నానమ్మ

అమ్మమ్మ తాతయ్యల 

పరిచయం చేసెను అమ్మ

అక్కాచెల్లెళ్ళు అన్నదమ్ములు

తన తోటి సహవాసియై

నిలిచిన

 స్నేహశీలి అమ్మ

మంచిచెడులు నేర్పినది

నా (మన)ఉన్నతి కోసం

 అహర్నిశలు శ్రమించిన 

 త్యాగమయి అమ్మ

అనురాగమయి అమ్మ