మన ప్రేమ అజరామరమైనదిగి ;- అంకాల సోమయ్య -దేవరుప్పుల -జనగాం-9640748497

తొలి చూపులోనే తొలకరై నన్ను 

తడిపినది నీ ప్రేమ

నీ చూపులో ఏదో మత్తుమందుంది

నా మనస్సెప్పుడో 

నీ వశమైనది

అందమైన నీ ముఖారవిందం

అంతే అందమైన నీ మాటతీరు

నన్ను కట్టిపడేస్తున్నాయి

ప్రేమంటే తెలియని నాకు

నిన్ను చూసిన మరుక్షణం

ప్రేమ ఎంత మధురం అనే భావన కల్గినది

కసాయివాడనైన నన్ను

కరుణామయుణ్ణి చేసావు

ప్రేమకు శక్తి యుక్తి ఉంది

ప్రియా నువ్వు ఊ అంటే

ఇరువురు కుటుంబ సభ్యుల మధ్య మన పెళ్ళి నిశ్చయమే

నువ్వు కాదంటే  శివుడినికై

తపస్సు చేసిన పార్వతీ దేవినై

నిన్ను సాధించుకుంటా!?

ఈ విరహం నేను తాళలేను

నీ ఈ మధురాతి మధురమైన

ప్రేమ గాఢతను నేను తట్టుకోలేను

నువ్వు నా దానివి అయ్యావంటే 

నేను ఈ లోకాన్ని జయించినట్టే

ఆ(ఈ ) పంచభూతాలమీద ఒట్టు

నీ చేయి విడవను నా మీ దొట్టు

మన ప్రేమ వాడని  వన్నెతగ్గని స్వర్ణపుష్పం

మన ప్రేమ సలీం అనార్కలి

పారుదేవదాలా విఫల ప్రేమ కాదు

ఆ రాధా కృష్ణుల ఆరాధన మనప్రేమ

నువ్వే నేనుగా నేనే నువ్వుగా

దేహాలు రెండైనా ప్రాణమొకటై

బ్రతుకుదాం

కలనైనా ఇలనైన ఎడబాటు,

మనమధ్య ఎటువంటి అరమరికలు ఉండనే ఉండవులే

ఏడేడు జన్మలకు నువ్వే నా రాణివి

నీ రాజును నేనే

ఆ ఇంద్రధనుస్సులోని అందమంతా

మన జీవితంలో పులుముకుందాం

హక్కులు బాధ్యతలు ఇరువురు సమంగా పంచుకుందాం

ప్రియా !?

ఈ ప్రేమ ఎంత మధురమోకదా!

 మధురమైన ప్రేమ అజరామరమైనది కదా!?