అతి పెద్ద హోటల్;- - యామిజాల జగదీశ్

 ప్రపంచంలోనే అతిపెద్ద హోటల్, సౌదీ అరేబియాలోని అబ్రాజ్ కుడై.
 అబ్రాజ్ కుడై సౌదీ అరేబియాలోని మక్కాలో పాక్షికంగా నిర్మించిన హోటల్.
వాస్తవానికి 2017లో ఈ హోటల్ ని ప్రారంభించాలనుకున్నారు. అయితే
ఆర్థిక ఇబ్బందుల కారణంగా 2015లో నిర్మాణం ఆగిపోయింది. 
కానీ 2023 నాటికికూడా ఈ హోటల్ ఇంకా తెరవలేదు.  ఈ హోటల్ నిర్మాణం పూర్తయితే, ఇందులో 10,000 బెడ్‌రూమ్‌లు, 70 రెస్టారంట్లు, నాలుగు రూఫ్‌టాప్ హెలిప్యాడ్‌లతో 45 అంతస్తుల ఎత్తులో 12 టవర్లతో ప్రపంచంలోనే అతిపెద్ద హోటళ్లలో ఇది ఒకటి అవుతుంది.
ఇందులో సౌదీ రాజకుటుంబంకోసం మాత్రమే ఐదు అంతస్తులు కూడా ఉంటాయి.  
అరేబియన్ బిజినెస్ ప్రకారం, 10 టవర్లు నాలుగు నక్షత్రాల వసతిని అందిస్తాయి, మిగిలిన రెండు టవర్లు ఫైవ్ స్టార్ సౌకర్యాలను అందించే ప్రత్యేక ఖాతాదారులకు సేవలందిస్తాయి. ఈ హోటల్ నిర్మాణం కోసం మూడున్నర బిలియన్ అమెరికన్ డాలర్లు ఖర్చవుతాయని అంచనా.  లండన్ కి చెందిన ఆరీన్ హాస్పిటాలిటీ హోటల్, గదుల ఇంటీరియర్లను డిజైన్ చేయడానికి ఒప్పందం కుదుర్చుకుంది.

-