మా బావ బంగారం !:- గుర్రాల లక్ష్మారెడ్డి కల్వకుర్తి.-సెల్.9491387977.-నాగర్ కర్నూల్ జిల్లా.

బావయ్య ఓ బావయ్య

నా బంగారం నీవయ్యా

ప్రేమ ప్రేమ అంటూ నీవు

గోల గోల చేయకయ్య. !

 

         బావయ్య ఓ బావయ్య

         అమ్మ నాన్న ఉన్నారయ్యా

         వారు చూస్తే వచ్చు ముప్పు

         అవునో కాదో నీవే ఇక చెప్పు

బావయ్య ఓ నా బావయ్య బంగారు బాతువే నీవయ్యా

సమయం సందర్భం చూడయ్యా

అప్పటిదాకా నీవింకా ఆగయ్యా !

         బావయ్య ఓ బావయ్య

         నా బంగారం నీవయ్యా

         ఈ సింగారం నీదయ్యా

        చూసి మురిసిపోవయ్యా !

బావయ్య ఓ నా బావయ్య

భలే ఊపుపైన ఉన్నావయ్యా

కాస్తంత తగ్గించుకో నీ జోరు

కన్నవారు చూస్తే కలుగు పోరు !

        బావయ్య ఓ బావ య్యా

        నా బంగారం నీవయ్యా

         ఇప్పుడు వీలు కాదయ్య

         తప్పుకుంటే మంచిదయ్యా !

బావయ్య ఓ నా ముద్దుల బావయ్యా

నా అందం చందం ఇక నీదే నయ్యా

అని నేనెప్పుడో నీకు చెప్పితిగదనయ్యా

మన్నించి నా మాట నీవిక వినవయ్య !

బావయ్యా ఓనా బావయ్యా

నీవేగా మా బంగారమయ్యా

నే చెప్పిన మాట వినవయ్యా

నా మదిలో నీవే ఉన్నావయ్యా !

        అమ్మా నాన్నలకు నే చెప్పి

        వారిని నేను ఇక ఒప్పించి

        ఇద్దరము ఇక ఒకటౌదాము

        ముద్దుగా కలిసిక ఉందాము!