మేలుకో మిత్రమా !;- గుర్రాల లక్ష్మారెడ్డి కల్వకుర్తి.-సెల్.9491387977.-నాగర్ కర్నూల్ జిల్లా.

  ఓ నా మిత్రమా
  నా ఓ నేత్రమా
  దీపావళి నేడు
  వచ్చింది చూడు !
            దీపావళి పండుగ
            నీ ముందే ఉండగ
            అశ్రద్ధ చేయనేల
            నీ శ్రద్ధను చూపాల !
నీ నిద్ర మత్తు వీడు
అప్రమత్తమై నేడు
భద్రంగా లేవాలోయి
శుభ్రంగా స్నానం చేయి !
              ఆడోళ్ళది పండుగ
              అనుకొనుట దండుగ
              అని నీవు గుర్తించు
              కానీ ఇక ప్రవర్తించు !
ఆడోళ్లకు అండగ
నీవిక ఈ పండుగ
చేసి చూపు నీ వంతు
వాసు కెక్కు నీ తంతు !
               స్త్రీ పురుష భేదం వద్దు
              అంతా కలిసి చేస్తేముద్దు
              మనం దీపావళి పండుగ
              జనం మెచ్చేరు నిండుగ.
 ఔటులను కాల్చవద్దు
 ఔటు మీరు కావద్దు
 కాల్చుతే కాలుష్యం
 తొలగించు ఆవశ్యం !
              టపాసులు వెలిగించకు
              పొటాటోపం కలిగించకు
               దీపాలు వెలిగిస్తే ముద్దు
              పాపాలు తొలగుట కద్దు 
   వీటిని నీ దృష్టి యందు
   ఉంచుకొని చేసుకో విందు
   చెప్పక తొలగునంట అశుభం
   తప్పక వెలిగుఇంట శుభం !