మహాదేవుడు:- గుర్రాల లక్ష్మారెడ్డి కల్వకుర్తి.-సెల్.9491387977-నాగర్ కర్నూల్ జిల్లా.

దేవుడు దేవుడు దేవుడు

మనం పూజించే ఈ దేవుడు

ఘనమైన మన మహాదేవుడు

మన బొందిలో ఉన్న జీవుడు. !

నిత్యం ఆరాధించే ఈ మనదేవుడు

ముత్యంలా మెరిసే మహిపాలుడు

ప్రభువులకే ప్రభువై యున్నవాడు

త్రి భువనాలను ఏలుతున్న రేడు. !

పూజించి భజించే మన దేవుడు

సేవించి తరించే ఘనాఘనుడు

సర్వాధికారియైన సర్వజ్ఞుడు

నిత్య స్వరూపుడు సత్వజ్ఞుడు !

మనం ఉపాసించే ఈ దేవుడు

మనల ఉద్ధరించే మాధవుడు

ఇనుడై చంద్రశేఖరుడైన జినుడు

పరాత్పరుడైన పరమ పావనుడు !

పై నుండి వీక్షించే ఈ దేవుడు

పంచభూతాలకు ప్రభువైనాడు

ఇహ పర సుఖాల అందిస్తాడు

ఆహరహం సంతోషం కలిగిస్తాడు !

మన పిలుపుకు పలకని దేవుడు

ఘన మలుపులకు ఔను ఆద్యుడు

అని తెలుసుకొని నడుచుకోవాలిక

కని మసులుకుంటే వచ్చు బడలిక!

మా ఇంటి ఇలవేల్పు ఈ దేవుడు

మా కంటి వెలుగు నిల్పు భానుడు

ఆది స్వరూపుడు ఆది పురుషుడు

అగ్నితీయుడైన మా  అనంతుడు !

అఖండ తాండవం చేసి ఈ దేవుడు

ప్రఖండుడై ప్రకాశించు ప్రతాపరుద్రుడు

సత్య స్వరూపుడైన సాహసవంతు డు

నిత్య స్వరూపుడైన మా నిరంజనుడు !

ఆకార వికారాలను అధిగమించిన ఈ దేవుడు

ఆనందం కలిగించే మా నిత్యానందుడు

సదానందుడై మాకు కైవల్యం అందించువాడు

మమ్ముల కరుణించి మా ఇంట కొలువైఉన్నాడు !

ఆదిదేవుడై అందరిని ఇలా కరుణిస్తున్నాడు

పాప కూపం నుండి మనల తొలగిస్తున్నాడు

అట్టి ఆదిదేవుని అందరం తలుచుకుందాం

మన మదిలోన ఆ పురుషుని నిలుపుకుందాం !