బాల్యం తిరిగి రానిది :- అంకాల సోమయ్య-దేవరుప్పుల- జనగామ-9640748497

బాలలకు దేశభక్తి 

దైవభక్తి

స్వాభిమానం

కన్న తల్లిదండ్రులు

ఉన్న ఊరు

కలిసిమెలిసి తిరిగిన సహవాసగాళ్ళు

వీరి సత్సాంగత్యాన్ని

మీ బిడ్డలకు

జీవితపర్యంతం గుర్తుంచుకోవాలని

ఇళ్ళలోతల్లిదండ్రులు 

గురువులు పాఠశాలల్లో 

బాలలకు ఉద్భోదించాలి

నేడు 

ఐఐటీ ఫౌండేషన్ స్కూల్స్

ఒలింపియాడ్ స్కూల్స్

ఇంటర్నేషనల్ స్కూల్స్

పేరునా

కొని చదివే విద్యాకేంద్రాల్లో

పసితనం నుండే కెరీర్ గైడెన్స్

ఇస్తూ

బండెడు బండెడు పుస్తకాలబరువులు

చిన్ని మెదళ్ళు తట్టుకోలేనంత

హోమ్ వర్కులు

ఇవి వారి స్వేచ్ఛకు అవరోధాలు

ఎగిరే చిట్టిచిలకమ్మలను

చదువుల పంజరాన బంధీచేసిన

ధనవ్యామోహపు

తల్లిదండ్రుల స్వార్థ బుద్ధి

 

అటుపై 

ఒంటరితనం

సృజనాత్మకత లోపించిన బిడ్డలు

మనోవ్యాధిగ్రస్థులై

కుదేలవుతున్నరేపటితరం

ఇకనైనా మనం మారుదాం

బాల్యం తిరిగి రానిది

బాల్యం బాలల హక్కు

దానిని వారు తనివితీరా ఆస్వాదించేలా చూద్దాం

ఆటలాడనిద్దాం

వారికి నచ్చినట్టు పాటపాడనిద్దాం

స్వేచ్ఛా విహంగంగా ఎగరనిద్దాం

(బాలల దినోత్సవం సందర్భంగా ...  )

-