శ్రేష్టమైనది స్నేహము:- -గద్వాల సోమన్న,-9966414580

వాడిపోయేది పుష్పము

రాలిపోయేది పత్రము

చెరిగిపోయేది స్వప్నము

చెక్కు చెదరనది స్నేహము

జుంటితేనెలా మధురము

జాబిలమ్మలా అందము

అతిపవిత్రమైన బంధము

శ్రేష్టమైనది స్నేహము

వెన్నెలంత చల్లదనము

వెన్న వోలె మెత్తదనము

మల్లె రీతి తెల్లదనము

సాటిలేనిది  స్నేహము

ప్రేమకది కేంద్ర బిందువు

నిజముగా ఆత్మబంధువు

అనిర్వచనీయమైన 

చూడ అనురాగ సింధువు

కనురెప్పలా కాయునది

గుండెలా పని చేయునది

భగవంతుని బహుమానము

భువిలోనే అసమానము

చేయకు ఎన్నడు ద్రోహము

అది క్షమించరాని నేరము

మిత్ర భేదము ఘోరము

ఉండుము దానికి దూరము