జాగ్రత్త!! అవసరం: - -గద్వాల సోమన్న,-9966414580

దారి తప్పితే పిల్లలు

కకావికలమే బ్రతుకులు

సమాజాన నిశ్చయముగా

అవుతారు చీడ పురుగులు

మొక్కగా ఉన్నప్పుడే

చక్కగా వంచాలోయ్!

మంచిగా చిన్నప్పుడే

పెంచి పెద్ద చేయాలోయ్!

పిల్లలతో చెత్త పనులు

ఎప్పుడు చేయించరాదు

కఠినమైన పలుకులతో

మనసులను విరవరాదు

చిన్నప్పుడే క్రమశిక్షణ 

పిల్లలకు నేర్పాలోయ్!

అది వారి భవితకు రక్షణ

బ్రతుకులు బాగు చేయునోయ్!