వాస్తవాల వెలుగులు:- -గద్వాల సోమన్న,9966414580

సూర్యుడు మొరాయిస్తే

జగతి అంధకారము

బద్ధకము ఆవరిస్తే

ప్రగతి గగన కుసుమము

ప్రేమపూలు వాడితే

బంధాలు మటుమాయము

క్షమాగుణం కొరవడితే

రాజ్యమేలు శత్రుత్వము

ఇంట స్త్రీ లేకపోతే

ఒంటరి ఇక జీవితము

కొంటె పనులు మానితే

వెంట వచ్చు గౌరవము

అహం గనుక హెచ్చితే

తప్పదోయి! అవమానము

జనం గనుక మెచ్చితే

దక్కునోయి! సన్మానము

దుర్గుణాలు వీడితే

బాగుపడును జీవితము

వ్యసనాలు జయిస్తే

ఎక్కవచ్చు అందలము

విశ్వశాంతి కోరితే

ఇక వసుధైక కుటుంబము

తేడాలు సమసిపోతే

ఏర్పుడును సమ సమాజము