గిరిధర గోపాలా: -... కోరాడ నరసింహా రావు!

 గిరిధర గోపాలా....ఈ మీరా మొర వినలేవా....!
  నేను పుట్టింది నీ కొరకే...నా ఈ జన్మ నీకే అంకితం..!
  నీ నామ స్మరణయే...నే రూప ధ్యాసయే....నాకు ఆహార,పానీయాలు ...!
  నీవు నా తలపులలో ఎన్నెన్ని  ఊసు లాడలేదు ...,ఎన్నెన్ని బాసలు చేయలేదు...!!
 నీ నామొచ్చారణయే మధురం ! నీ రూప లావణ్య భావ దర్శనమే ,మధురాతి మధురం..!!
      నీవు నాతో అనునిత్యం ఎన్ని ఊసులాడుతున్నావు....
  ఇది చాలదా ఈ జన్మకు !
  మన కలయికను,అందులోని అనుభూతులను ,ఆ ఆనందాలను ఎన్నెన్ని కీర్తనలలో పొందు పరిచాను !
 నా భక్తిని ,ప్రేమను ,అనురాగాన్ని ,ఆనందాన్ని ...ఈ కీర్తనలలోనే దాచుకుంటున్నాను ..!
     ఇది చాలులే ఈజన్మకు ...ఏ కన్మకూ నీవే నా సఖుడవు...ప్రియుడవు...
  నా భర్తవూ నీవే....
   ఎవరేమనుకుంటే నాకేం...!!
  నేను పిచ్చిదాన ననుకుంటుంది ఈ లోకం ...నేను అనుక్షణం నీతోనే ఉంటున్నా నని ,నా ఊసులు , బాసలు, అన్నీ నీతోనే నని ఈ వెర్రి జనాలకెలా తెలుస్తుంది ....!
  జయ గోవింద భజే... జయగోపాల హరే...జయ గోవింద, జయాగోపాల జయ నంద లాల జయే....
👏👏👏👏👏👏.