తెలుగు సంస్కృతి: - డా.గౌరవరాజు సతీష్ కుమార్.

 
తెలుగుజాతి ఔన్నత్యం
తెలుగు భాష అందచందాలు
తెలుగు భాషామతల్లిపై భక్తిశ్రద్ధలు
మనం ప్రకటించుకోవాలి
సుప్త చైతన్యంలో సజీవంగా ప్రవహించే
తెలుగుతనాన్ని
మన తెలుగుజాతి జాగృతంచేయాలి!
అపారమైన స్వరాష్ట్ర భక్తిని
అఖండమైన స్వభాషానురక్తిని
అప్రతిహతమైన జాత్యభిమానాన్ని
సుందరంగా సుమధురంగా 
రచనల్లో వెలయించాలి !
ఇవన్నీ 
ప్రవిమల కవిగంభీర
ధీరమానస సంఫుల్ల
సురభిళ దివ్య కుసుమాలు!
ఇవన్నీ
వాసివిడని వన్నెచెడని
తెలుగు సంప్రదాయాలు!
ఇవన్నీ 
మనకు తోడునీడై 
శక్తిని ఉజ్జీవింపజేయగల
సురసుందర పారిజాత సౌగంధికాలు!
అలాంటి మన తెలుగుదనమే
మన తెలుగు సంస్కృతి!!
*************************************