ఓ చెలీ!:- డా.గౌరవరాజు సతీష్ కుమార్.

 నిన్నని ఫలమేమిటే ఓ చెలీ! 
చిరునవ్వు లొలికించి, మదినే కవ్వించి 
అంతలోనే ఇటుఅటు చూచి మటుమాయమై పోదువే
ఆ వింతలుగని నా మనసేమో కవ్వింతలు కాగా 
ఎందుకు ఎందుకు నా మది బేలగ మారెనో
!!నిన్నని!!
చిరుగాలి రిమరిమలు నీరాక తెలిపేను 
ఆకుల గలగలు నీ పదధ్వనులే వినిపించేను 
ఆ వింతలుగని నామనసేమో కవ్వింతలుకాగా 
!!నిన్నని!!
కోకిల కిలకిల ధ్వనులలో నీ గళమేదాగె 
నా కనులందు నీ ప్రతిరూపమే నిశ్చయముగ నిలిచే 
ఆ వింతలుగని నా మనసేమో కవ్వింతలు కాగా
!!నిన్నని!!
నా మది నిరతము నీ ధ్యానము చేసెను బేలయై
నా మదిలోనీ భావాలన్నీ వెడలెను కవితా రూపమై 
ఆ వింతలుగని నా మనసేమో కవ్వింతలు కాగా
!!నిన్నని!!
**************************************