చెప్పుడు మాటలు చెరుపు:--గద్వాల సోమన్న,-9966414580

చెప్పుడు మాటలు చెరుపును

వింటే బ్రతుకులు కూలును

కుటుంబాన చిచ్చుపెట్టి

అతలాకుతలం చేయును

పచ్చగ ఉంటే గిట్టదు

ఎదుగుతుంటే నచ్చదు

అసూయ పరులే మనుషులు

ఇతరుల క్షేమం పట్టదు

స్వార్థపరులతో జాగ్రత్త!

కనిపెట్టుము ఒక కంట

 ముందు చూపు లేకుంటే

ఆవేదనలే  మన వెంట

చెప్పుడు మాటలు మధురము

వింటే మాత్రం నష్టము

తెలుసుకొనుము ఈ సత్యము

అప్రమత్తం అనునిత్యము