సరిగమపదనిస సంగీత బాణీ పాదపల్లవి ఊరు
యమాతారాజభానసలగా దారి గణాల కైత పల్లె
సంగీతసాహిత్య సమలంకృతే పాదకర కర్షకఊరు
యాస బాసల పల్లె ప్రకృతివికృతి చెట్ల గాలియావ
కావ్యకన్యల శృంగారసీమ అప్సరసలే ఆడే తోవ
నింగి నేల చెలి నెచ్చెలి కలహంస జలకన్య పల్లె
ఆనంద నాట్యాల ప్రబంధనాయికలూగు నేలలీల
మత్తకోకిలల చిత్తమే మావిచిగురు పాటే పల్లీయం
ఆరు ఋతువుల సప్తపది మదికోరే నుతి ఊరు
ఆశువున సీసం వృత్తాన మత్తేభం ఊరే జనకజారే
సీత భూమాత కొలువైన ఊరు సుందరమే రామా
సత్యపాలన నిష్ఠ ఘనసాంద్ర ఊపిరులే ఊరుసిరి
కళాకౌశల అనంతదారి మేఖలసీమ సౌగంధిపల్లె
వరూధినీప్రవరాఖ్య అట జని కాంచె ప్రేమల ఊరు
తొలకరి చినుకుల చిగురు వలపుదేలె కనుల పల్లె
ఒక మనసు రెండు కనులు త్రివేణి నలువైపు ఐదే
షడ్రుచుల సప్తవర్ణ అష్టోత్తర నవ గ్రహ దశదిశలు
ఏకాదశ పురాణం ద్వాదశలింగ త్రయోదశి పల్లె
శివరాత్రి శుభరాత్రి నేమరేసే నవజవ్వని ఈలనేల
కోపతాపాలల్ల రామసీత దయ మదిల ఊరు కథ
తిన్నమో పన్నమోగాని మాఊరు ఏ వంకలేనిదీ
==================================
addComments
కామెంట్ను పోస్ట్ చేయండి