*కలసి ఉంటే కలదు సుఖం* :- పొట్టోళ్ల జయంతి-9వ,తరగతి -జిల్లా పరిషత్ ఉన్నత పాఠశాల బక్రిచెప్యాల-జిల్లా సిద్దిపేట -9704865816
 ఒక అడవిలో ఎలుక,చిలుక, పిచ్చుక ఈ మూడు చాలా స్నేహంగా ఉండేవి.
వీలు దొరికినప్పుడల్లా అడవి జంతువులు ఆటల పోటీలు నిర్వహించేవి.ఆ పోటీలలో ఎప్పటికి చిలుక గెలిచేది. చిలుక ఇంకా సంతోషంతో కర్ర సాము,గులేరు, బాణం పుల్ల, ఆటలు నేర్చుకుంది.
ఒకరోజు ఈ మూడు కలిసి వేరే అడవికి వనభోజనాలకు వెళుతుండెను.మార్గ మధ్యలో వేటగాడు పన్నిన వలలో ముందు నడిచే పిచ్చుక చిక్కుకుంటుంది.అప్పుడు ఎలుక చిలుక ఈ విషయాన్ని గ్రహించాయి.
మన మిత్రునికి ఆపద వచ్చిందని తెలుసుకున్నాయి. బాధపడుతూ ఒక ఉపాయాన్ని ఆలోచించేలోపు వేటగాడు రానే వచ్చాడు. పిచ్చుకను సంచిలో వేసుకొని వెళుతున్నాడు.అతడు వెళ్లే దారిలో చిలుక,ఎలుక ముందుచూపుతోటి దూరంగా వెళ్లి కూర్చున్నాయి.చిలుక బావ,చిలుక బావ నీకు చాలా ఆటలు వచ్చు కదా! గులేరు ఆటను ఉపయోగించమని వెంటనే ఎలుక వెళ్లి గులేరును తీసుకువచ్చింది.వేటగాడు వచ్చే మార్గంలో కూర్చొని గులేరులో రాయి పెట్టి గురి చూసి అతని మోకాలుకు గట్టిగా దెబ్బ తగిలినట్లు చిలుక కొట్టింది.వేటగాడు ఆ దెబ్బను తట్టుకోలేక కిందపడ్డాడు. వెంటనే ఎలుక వెళ్లి సంచిని కొరికి పిచ్చుకను కాపాడింది. మూడు కలిసి సంతోషంగా అడవిలోకి ప్రవేశించాయి. వేటగాడు బాధపడుతూ గెంతుతూ ఇంటికి వెళ్లిపోయాడు.
కలిసి ఉంటే కలదు సుఖం 
అనే నీతిని తెలుసుకున్నాయి.
 


కామెంట్‌లు