బుడ్డ పిల్లలం -అడ్డ మల్లెలం:- గుర్రాల లక్ష్మారెడ్డి కల్వకుర్తి.-సెల్ .9491387977.-నాగర్ కర్నూల్ జిల్లా.

]మేం బుడ్డ బుడ్డ పిల్లలం.  

 మా అడ్డ మీది మల్లెలం

  మా అమ్మ లేని వారలం

  మా నాన్న ఉన్న పోలం !

తెల్లవారకముందే లేస్తం

పల్లె తల్లిని ఇక చూస్తం

స్నానం చక్కగా చేస్తం

మా దేవుని  పూజిస్తాం !

మా దేవుడు హనుమ

మీరంతా ఇక వినుమ

మేం రోజంతా పూజిస్తం

మా గుంజీలను తీస్తం !

మేం బడిలో గుడిలో ఉంటం

మా అల్పాహారం ఇక తింటం

మా గురువు మాటలు వింటం

మేంతరువులను పెంచుతుంటం !

అమ్మలేని స్థితిని గ్రహించి

మాకు నాన్న ప్రేమను పంచి 

 మమ్ము పెంచి పెద్ద చేసెను

మా బరువును తామోసెను !