నీతోనే నా ప్రయాణం !:- గుర్రాల లక్ష్మారెడ్డి కల్వకుర్తి.-సెల్.9491387977.-నాగర్ కర్నూల్ జిల్లా.

నీవేలే నా ప్రాణం

నీతోనే ప్రయాణం

సాగేలా నే చేస్తా

నీ వైపే నే చూస్తా !

కుర్ర కారు పిల్లవు

జోరు మీద ఉన్నవు

దుమ్మురేపుకుంటూ

దూసుకుపోతున్నవు !

రెండు జడలు వేసుకుని

అగారు నీవు పూసుకుని

నీవు ఎక్కినావు నా కారు

నా చేతికి చిక్కినావు పారు 

నీ అందమైన నగు మోము వంక

నేచూడకుండా ఉండలేను  ఇంక

తొందర పడుతుందిలే నామనసు

ఈ నాసంగతి నీకు కూడా తెలుసు

ఓ నా పారూ పారూ 

నీవు నా పక్కన చేరూ

తెస్తాలే నీకూ నే కారూ

ఇస్తాలే నీకు  హుషారు !

అంతదాక నీవు ఇక అలగొద్దు

కాస్త సమయం ఇస్తేనే ముద్దు

షోరూం వెళ్లి చూస్తా ఈ పొద్దు

నే ఇచ్చిన మాటను చేయరద్దు

కారే కావాలని నే నిన్ను కోరలేదు

నీవు మారాలని నీకడ నే చేరలేదు 

ఈకారు షికారులు మనకొద్దు బావ

తొక్కొద్దూ మనము ఈ చెడు త్రోవ

నీ చల్లని ప్రేమ ఉంటే చాలు నాకు

నీ ప్రేమే నా తాళికి తగు రక్షణ రేకు

ఈకారు షికారులతో కలుగుచికాకు

చికాకు వల్ల వచ్చు మనకు పరాకు!