మన ఘన సంపద అడవులు:- -- గద్వాల సోమన్న,ఎమ్మిగనూరు,9966414580

జీవకోటికి అమ్మ ఒడి

పాఠాలు నేర్పే బడి

మన జాతీయ వనరులు

చూడ చక్కని అడవులు

సకల ప్రాణులకు నెలవులు

ఇచ్చును ఔషధ మూలికలు

అడవులుంటే  బ్రతుకులు

అభివృద్ధికవే  త్రోవలు

పచ్చదనపు పాన్పు వేసి

వర్షాలను కురిపించి

సిరులునిచ్చి సేద దీర్చు

ప్రాణవాయువు మనకు పంచి

పెంచునోయి! భూసారము

అవే జీవనాధారము

అమూల్యమైనవి అడవులు

నరికివేస్తే ఇడుములు

అడవులే లేకుంటే

భువిని కరువు కాటకాలు

భూసారం కోల్పోయి

పంట దిగుబడి తగ్గును

మన ఘన సంపద అడవులు

కాపాడుట మన బాధ్యత

లేక మానవ మనుగడకు

పెను ప్రమాదం జీవులకు