నీ పాదాల చెంత
శిరస్సు వంచితే చాలు
సిరులనిస్తావు...
కేల్మోడ్చి మ్రొక్కితే
కలిమినిస్తావు...
కేశఖండనతో
క్లేషాలు తీర్చేవు .
ఎదలోని బాధలను
చెప్పుకుంటే చాలు
అక్కున చేర్చుకొని
అభయ మిస్తావు
ఆదుకుంటావు....
ఏడుకొండల స్వామి !
ఎక్కడున్నావయ్యా !!
ఏడుకొండల పైన
ఎక్కి కూర్చున్నావు
నా గుండెల్లో దైవమా !
కొండల్లో నిలిచావు !!
ఏడు కొండల నెక్కి
రమ్మంటూ పిలిచావు.
పద్మనయనముల
పద్మావతి ప్రియుడు
గోవిందా ! గోవిందా !!
అను నామస్మరణతో
జన్మ జన్మలలోని
పాపాలు తీర్చేవు
శ్రీనివాసా..........అంటే
సిరి సంపదలనిచ్చు....
వెంకటేశా......... అంటే
శాపాలు తొలగించు...
ఏడుకొండలస్వామియని
ఆర్తితో పిలిచితే........
కొండలే దిగివచ్చు......
కలియుగ దైవమా అంటే
కష్టాలు కడతేర్చు వెంటే
నరుల పాపాలబాపేటి - హరుడా !
కలియుగ వెంకటేశ్వరుడా !!
========================
" కావ్యసుధ "
'వాజ్ఞ్మయ భూషణ'
'ఆధ్యాత్మిక సాహిత్య సామ్రాట్'
" ఆధ్యాత్మిక సాహితీ వ్యాస భూషణ్ "
9247313488 : హైదరాబాదు
addComments
కామెంట్ను పోస్ట్ చేయండి