సావిత్రి భాయ్ ఫూలే:- జె.నిర్మల-తెలుగు భాషోపాధ్యాయురాలు-జి.ప.ఉ.పా.రామంచ-జి.సిద్ధిపేట

సీ.మా{పద్యం)

అమ్మాయిలచదువు అవనికే చేటని

అగ చాట్లు పెట్టిన యవని యందు

 పాట్లెన్నొ పడుతూనె పాఠాలు నేర్పెను

సావిత్రిభాయమ్మ సహన మూర్తి

బాలిక చదివితే బంగారు భవితని

వివరించి జెప్పిన వీరవనిత

సంఘసంస్కర్తగా సంస్కరణలు జేసి

బహుజన పిల్లల భవిత మార్చి

వరముగా నిల్చిన ప్రథమ గురువుగాను

చదువు నేర్పిన గొప్ప శక్తి శాలి

అతివలందరికిని నాదర్శ మహిళగా

కులవివక్షతలను కూల్చి వేసి

సత్యశోధకసంస్థ సంఘమందున నిల్పి

మార్పు లెన్నోతెచ్చె మహిన నేడు

ఆ.వె

భర్త ఫూలెగారి బాధ్యత నెరవేర్చ

నడుము గట్టి నిలిచె నారి మణిగ

అక్షరాల సేద్య మవనిన వెలిగించి

కలము చేత బట్టె కల్పవల్లి