సిరిపురం సిన్నోడు !:-గుర్రాల లక్ష్మారెడ్డి కల్వకుర్తి.-సెల్.9491387977-నాగర్ కర్నూల్ జిల్లా.

సిరిపురం చిన్నోడా

సిరి వరం ఉన్నోడా

పట్నం దారి పట్టావు

కట్నం మరి ఎగ్గొట్టావు !

మాట తప్పినావు

మడమ తిప్పినావు

నమ్మేది నిన్ను ఎట్లు?

మేం వేసేది నీకు ఓట్లు !

స్వీట్లు పంచుతావు

స్నేహం పెంచుతావు

పడతావు నీవు పాట్లు

అడుగుతావులే ఓట్లు  !

చిందిస్తవు నవ్వులు

అందిస్తవు పువ్వులు

పాగుడేవులే అందరిని

 చేరేవులే  వారి దరిని  !

నీవు అందరిని  కలుస్తావు

తోడు రావాలని పిలుస్తావు

పోటీ  రంగంలో నిలుస్తావు

గెలవాలని నీవు ఆశిస్తావు !

గల్లి గల్లి తిరుగుతావు 

గడప గడప ఎక్కుతావు నీవందరికి మొక్కుతావు

ఏ కొందరికో చిక్కుతావు !

అందరికీ చేస్తావులే  సలాం

అందరికీ అవుతావు గులాం

 ఓట్ల కోసమేగా ఈ నాటకం

సీట్ల కైవసముకై ఈ భూటకం !

నీవు మందు పోస్తవు

తావున విందు ఇస్తవు

అంతులేని హామీలను

అందరికి అందిస్తవు. !

ఎలక్షన్ల గెలిచి నీవు

కలెక్షన్ల కింగ్ ఔతావు

మేం హామీల మాటంటే

మీతో మాకు ఇక తంటే !

మేం ఆశలకు లొంగి

మా దురాశలో పొంగి

వేశాము మీకు ఓటు

వేశావు మాకు పోటు  !