నీలో నువ్వు నీతో నువ్వు (ఆత్మావలోకనం):- అంకాల సోమయ్య-దేవరుప్పుల-జనగామ-9640748497

జీవితం నువ్వనుకున్నట్టు 

ఎప్పుడు ఉండదు

ఎత్తు పల్లాలు

ఉత్థాన పతనాలు

సహజాతి సహజాలు

సాధించగలననే ఆత్మవిశ్వాసం ఉండాలి

కానీ

పరాజయం ఎదురైనప్పుడు

క్రుంగిపోకూడదు

నువ్వు చేసిన తప్పులను

ఒకసారి పునఃపరిశీలన చేసుకో

ఈసారి లక్ష్యాన్ని ఖచ్చితంగా చేధిస్తావు

నీ చుట్టూ ఉండే సమాజం

నువ్వు గెలిచిన ప్రతీసారి నీ పతనాన్నే కోరుకుంది

అది సమాజసహజగుణం

అని

తలపోయాలి తప్పా

తలవంచుకొని గులాంగిరీచేయోద్దు

కలలు కను సాకారం చేసుకో

నిరంతర సాధనే విజయసూత్రమనునది మరువొద్దు

నిరాశ నిస్పృహలు నిన్ను చుట్టూ ముట్టినప్పుడు

ఆశాదీపం వెలిగించు

అకుంఠిత దీక్ష తత్పరతతో సాధించు

బ్రతుకు పై ఆందోళన వద్దు

ఉన్నంతలో సంతృప్తిగా జీవించడం

నేర్చుకో

సంకల్పాలు నెరవేర్చే

ఏకైక సాధనం

అలుపెరుగని పోరాటమే