ఊరుగాలి ఈల 98:- డా.టి.రాధాకృష్ణమాచార్యులు

చిన్నఆటలే లలితక్రీడలై వెలిగేపల్లే  సలలితరాగం

ఆడిన ఆట గెలిచే బరి ఊరు ఆడేది నేనేసై మనసై

చీకటి మాపటిదా కాదు రాలనిఇసుక పల్లె వేకువే

కృత్తిక భరణి నక్షత్రాలై నవ్వే ఆకాశం పల్లెవేణివోణీ

అందం ఇంతలా ఊరు మెరుపు చెట్లు మల్లెలూగే

వాన తడిసిన విత్తు మొక్క చేనుపంట పల్లెవెచ్చన

యక్షగానాలు చిరుతల దరువుగానాల ఊరు నేనే

దొర్లే బండకాదు ఊరు స్థిరచిత్త పరువుమదిలెస్సా 

చదువుసంపద నీడ చెట్టే ఊరువాడ కళలబతుకు

ఆత్మ ఆత్మీయత సొంతూరైనది పొరుగు చేరేపల్లె

మధురమీనాక్షి మథురగోపాల దయ ఊరువాడ

దీవెనల బలమైన ఊరునాదే వేదనలేక వెలిగేనిల

ఊరు నా ప్రేరణ చెమటస్ఫురణ ధారణకవిత నేల

మనోబలం పీస్ జోన్ మది తేటమాట ఒకచోసుధ

అవును అదృష్టం నాదే ఊరుపిలిచే దరుల బాయి

అక్కెరచుట్టం ముక్కెర నగ శోభ ఊరుపాటే మది

ఆనందలహరి అంచుల ఊరేగే సరదా నేర్పే ఊరు

తిన్నామోలేదో తెలీదు ఊరు మనసే మయూరిపో

అంతూపొంతు ఒడ్డెంట ఏరూ ఊరు పేరే శివగంగ

అలల పోటీ గాలితరగలే పడిలేచే లేచిపడేదే పల్లె

వనభోజనాల పల్లెబువ్వ దీవెన ఎల్లమ్మ పోచమ్మ

==================================

(ఇంకా ఉంది)