సుప్రభాత కవిత : -బృంద

కోటి వంపుల పయనం 

ఏటి మలుపుల గమనం 

నీటి పైని చిరు అలల సడి 

దాట దెన్నడు ఎందుకు తన దడి?

పురోగమనమే కానీ 

తిరోగమనమెరుగని 

సలిలపు  ప్రవాహము 

సాగర సమాగమం  వరకే!

కాలానికి నీటికి ఒక్కటే 

సూత్రం.

ఏ అదుపు అసలు లేని 

వేగం 

ఎవరికోసమో ఆగవు 

ఎందుకోసమో వేగవు!

ఏదోచ్చినా కలుపుకు పోవడం 

ఏ నిచ్చెనా  ఎక్కాలనుకోకపోవడం 

ఏ మెచ్చులు ఎవరికీ ఇవ్వకపోగా 

ఏ రొచ్చునూ  బయటకి పంపకపోవడం 

కలిసి రావడం లేదని 

కాలాన్ని నిందిస్తూ 

కన్నీరు చిందిస్తే 

కలతలు తీరేనా?

తెలిసి తన యోగ్యతను 

కలిసి అడుగులు కదిపితే 

అలిసి పోక ముందే 

కరిగి పోవు దూరం!

పాఠం నేర్పే ఏటి పాయకు 

🌸🌸 సుప్రభాతం 🌸🌸