రసగుళికలు ...!! (ఏడు): --డా.కె.ఎల్.వి.ప్రసాద్.

 నడిరాత్రి నిద్రలో 
నవ్వుతూ పలకరిస్తావు !
కళ్లుతెరిచేలోగా ...
కనుమరుగైపోతావు ....!!
------------------------------------
దూరతీరాలకుచేరి ,
నీజీవితం ధన్యం చేసుకున్నావు !
నన్ను వంటరిని చేసి ,
ఎదురుచూపులకు బలిచేసావు !!
---------------------------------------------
నన్ను పలకరించకుండా 
నువ్వు హాయిగ గడిపేయగలవు !
నీతియ్యని మాటవినకుంటే 
జీవితమే స్థంబించినట్టు నాకు ...!!
-------------------------------------------------
ఎప్పుడో నామీఁద నీకుజాలికలిగి 
నీ ..'దూరవాణి 'కి పనిచెబితే ,
ఆనందంతో నామనసు ....
పులకించి పొతుంది తెలుసా !!
--------------------------------------------------
నువ్వేమిచేసినా 
అలగడంతప్ప 
కోపంరాదునాకు !
కారణం నీపవిత్ర ప్రేమే!!
---------------------------------------------------
నిన్ను వూహించుకుంటూనే 
నాపనుల్లో నిమగ్నమవుతుంటాను !
నిర్విఘ్నంగా ....
అన్నింటిని అలవోకగా సాధిస్తాను ..!!
------------------------------------------------------