బాలలం. :- --- కోమటిరెడ్డి బుచ్చిరెడ్డి సెల్ : 9441561655

బాలలం  బడి పిల్లలం

అమ్మ నాన్నల  ముల్లెలం

ఆనందాల వెలుగులం

పాల బుగ్గల మొగ్గలం

ముద్దులొలుకు చిన్నలం

పాఠశాలలో చేరినం

చదువులు బాగా చదివెదం 

గురుదేవుళ్ళకు మ్రొక్కెదం

ఆటలు ఎన్నో ఆడెదం

ఆనందంగా ఉండెదం

కలిసి మెలిసి బతికెదం

లేత గులాబీ పువ్వులం

రోజూ చిందే నవ్వులం

గాంధీ నెహ్రూ వారసులం

రేపటి భారత పౌరులం

భవితవ్యానికి వెలుగులం

నింగిలో మెరిసే చుక్కలం

హరి విల్లును తాకే చినుకులం

కులమత భావన కూల్చేదం

మమతా సమతా పంచెదం

మేమే మేమే పిల్లలం

నిత్యం వెలిగే మల్లెలం

భారతమాత బిడ్డలం

రేపటి తరం వారసులం