జవానులం-మేం జవానులం:- గుర్రాల లక్ష్మారెడ్డి కల్వకుర్తి.-సెల్.9491387977.-నాగర్ కర్నూల్ జిల్లా.

జవానులం మేము జవానులం

మా భారతదేశపు  జవానులం

మా దేశం సరిహద్దులో మా నివాసం

ప్రతి పొద్దు మృత్యువుతో మా సహవాసం !

జవానులం మేము జవానులం

యువ జవానులం నవ జవానులం

శత్రుసేన ఆరా తీయు జవానులం

రాత్రి పగలు పహరా కాయు జవానులం !

జవానులం మేము జవానులం

అమరవీర ధీరశూర జవానులం

శత్రుమూకల ఆయువు తీయు జవానులం

మాతృదేశం సేవ చేయు జవానులం !

జవానులం మేము జవానులం

కలియుగ ఆకలియుగ జవానులం

మా భరతప్రజల క్షేమం మా ధ్యేయం

వారికోసం మేం రచిస్తాం ఓ అధ్యాయం !  

జవానులం మేము వీరజవానులం

సమరం సాధన చేసేటి జవానులం

అమరం వాదన వినేటి ధీర జవానులం

శత్రు మూకల అణచివేసేటి జవానులం !