తెలుగు వెలుగు:-నన్నూరి రఘుపాల్ రెడ్డి స్కూల్ అసిస్టెంట్ (తెలుగు). జిల్లా పరిషత్ ఉన్నత పాఠశాల. పంతంగి. చౌటుప్పల్ మండలం.

 పల్లవి: తేట తేనె తెలుగు 
            వెన్నెల వెలుగుల జిలుగు
 చరణం : ఆదికవి నన్నయ
               అక్షర రమ్యత తెలుగు 
              తిక్కన నాటకీయ 
             తీయదనం తెలుగు 
 చరణం: శ్రీనాధుని సీస పద్య 
              సిరిమువ్వ తెలుగు 
              పోతన భాగవత
              భక్తి రసం తెలుగు 
 చరణం : పద కవిత అన్నమయ
              సంకీర్తన తెలుగు
             ఆట వెలది వేమన 
            అనుభవసారం తెలుగు 
 చరణం : సుమతి శతక బద్దెన
              సూక్తి నిధి తెలుగు 
            గురజాడ కన్యక 
            తెలుగు తల్లి పుత్రిక
 చరణం : ఆంధ్రభోజ దేవరాయ 
              భాషలందు లెస్స తెలుగు 
              మాతృభాష మాధుర్యం 
              అమ్మ పాల అమృతం 
 చరణం : తేనెల తీయదనం
              తెలుగు భాషకే సొంతం
 కమ్మనైన అమ్మ భాష తెలుగు 
 అవనిలో అందుకే ఎప్పుడు వెలుగు.