కవితా... ఓ కవితా...:- నామ వెంకటేశ్వర్లు,

 అన్యాయాన్ని ప్రశ్నించి ఎదిరించేంతవరకు 
 నీవు నిలవాలి కలకాలం 
 పేదరికం తరగనంతవరకు 
 నిత్యవసర దరలు తగ్గనంతవరకు 
 అబద్దాలు మాట్లాడడం ఆగనంతవరకు 
 అవినీతి అక్రమాలు అగే వరకు
 దోపిడీ అణిచివేతలాపనంతవరకు
 పేద మధ్యతరగతిని దోచి ధనం 
 కార్పొరేట్లకు కట్టబెట్టినంతవరకు 
 అలుపెరగని కష్టజీవి కష్టాలు 
 కతం  అయ్యేవరకు 
 కులం మతం పేరుతో చేసే 
 రాజకీయాలాపనంతవరకు 
 సామాజిక రాజకీయ ఆర్థిక అసమానతలు అంతంకానంతవరకు 
 ప్రశ్నించే గొంతుకలను కడ తేర్చే 
 సంప్రదాయం చావనంతవరకు
 అన్యాయపు తీర్పులు చెప్పిన వారికి అ

నంతరం అందలా లెక్కించే తతంగం దాగనంతవరకు 
 ప్రజల తిండిపై ఆంక్షలు ఆగే వరకు 
 భాషా ప్రాంతాలపై వివక్ష చూపనంతవరకు 
 మాటలే తప్ప చేతులు లేని వరుస
 వాడి పోనంతవరకు 
 ఇంకా....ఇంకా.... ఎన్నెన్నో....
 కవిత నిలిచి ఉండాలి 
 కవిత బతికే ఉండాలి 
 కవిత నిబ్బరంగా ఉండాలి
 నిక్కచ్చి గుండాలి కవిత.
 నిలదీయడానికి ఉండాలి కవిత