హోళీ పండుగ ప్రాశస్త్యం :- సి.హెచ్.ప్రతాప్

 రంగుల పండుగగా పిలువబడే ఈ పండుగ, హిందువులకు అత్యంత ప్రాముఖ్యత కలిగిన పండుగ. వసంత ఋతువు ఆగమనం సూచకంగా ఈ పండుగను జరుపుకుంటారు. హోలీ పండుగ చెడుపై మంచి యొక్క విజయం, శీతాకాలం ముగిసి వసంత ఋతువు రాక, సంతోషం, ఆనందం, సామాజిక సామరస్యం యొక్క చిహ్నం. భారతదేశమే కాకుండా, నేపాల్ , బంగ్లాదేశ్ లాంటి దేశాలలో కూడా, ప్రపంచవ్యాప్తంగా ఉన్న భారతీయులు కూడా ఈ పండుగను ఆనందంగా జరుపుకుంటారు.హోలీ పండుగ అన్ని వర్గాల ప్రజలను ఒకచోట చేర్చే ఒక సామాజిక పండుగ. ఈ రోజున, అందరూ సమానంగా ఉంటారు మరియు ఒకరితో ఒకరు సంతోషంగా కలిసిపోతారు.ఒకరిపై ఒకరు రంగులు జల్లుకుంటూ ఆనందంతో జోళీ జరుపుకుంటారు.ప్రజలు తమ అన్ని అడ్డంకులను వదిలించుకుని కొత్తగా ప్రారంభించగల కొత్త ప్రారంభంగా కూడా దీనిని భావిస్తారు. హోలీ పండుగ సమయంలో, దేవతలు కళ్ళు మూసుకుంటారని మరియు అత్యంత భక్తిగల హిందువులు తమను తాము వదులుకోవడానికి అనుమతించే కొన్ని సందర్భాలలో ఇది ఒకటి అని చెబుతారు. వారు తమ మనసు విప్పి ఒకరి సహవాసాన్ని ఒకరు ఆనందిస్తారు, నృత్యం చేయడానికి మరియు పార్టీ చేసుకోవడానికి సమయం తీసుకుంటారు మరియు వారి సాంస్కృతిక నియమాలను పక్కన పెడతారు.ముందు రోజున హిరణ్యకశ్యపుని చెల్లెలైన హోలిక అనే రాక్షసి బొమ్మకు నిప్పంటిస్తారు. దీనిని హోలిక దహన్ లేదా చోటీ హోలీ అని అంటారు. హిరణ్యకశిపుని చెల్లెలైన హోలిక అనే రాక్షసి ప్రహ్లాదుడిని మంటలలో వేసినప్పుడు దైవలీలతో తప్పించుకుంటాడు అందుకే భోగి మంటలు అంటిస్తారు. హోలిక ఈ మంటలలో దహనమయ్యింది కానీ విష్ణువుకు పరమ భక్తుడైన ప్రహ్లాదుడు, అతని అపార భక్తితో ఎటువంటి గాయాలు లేకుండా తప్పించుకుంటాడు. తెలుగు రాష్ట్రాలలో  హోలిక దహన్‌ను కామ దహనం అని అంటారు.  ధర్మంపై సాధించిన విజయానికి ప్రతీకగా కామ దహనం నిర్వహిస్తారు. కామ దహనం కోసం భోగి మంటలను తలపించేలా కర్ర పోగులు, పిడకలు వేసి కాముడుని దహనం చేస్తారు. హోలీకి ముందురోజు అర్థరాత్రి ఇలా కామ దహనం చేయడం ఆనవాయితీగా వస్తోంది. ముఖ్యంగా దక్షిణ భారతదేశంలో ఇలాంటి సంప్రదాయం కనిపిస్తోంది. ఉత్తరాది రాష్ట్రాల్లో కూడా హోలీకా దహన్ పేరుతో ఇలాంటి కార్యక్రమాలు నిర్వహిస్తారు. పురణాల ప్రకారం ధ్యానం నుండి కలత చెందిన శివుడు, కామ దేవుడిని తన మూడవ కన్నుతో భస్మం చేశారంట. తద్వారా కామ అణచివేతకు, ధర్మ విజయానికి ప్రతీకగా ఈ కార్యక్రమాన్ని నిర్వహిస్తారుశ్రీకృష్ణుడు చిన్నప్పుడు నల్లగా ఉండేవాడు. కానీ రాధాదేవి తెల్లని చాయతో ఉండేది. కృష్ణుడు తన తల్లి యశోదను దీనిపై ప్రశ్నించగా,దీనికి యశోదమ్మ ఏ రంగులోకైనా నువ్వు నీ స్నేహితులతో కలిసి రంగులు చల్లుకోవచ్చు అని చెప్పింది.దీంతో కృష్ణుడు గోపికలపై రంగులు చల్లడం ప్రారంభించాడు. అప్పటి నుంచి హోలీ పండుగను రంగుల ఆటగా జరుపుకోవడం ఆనవాయితీగా మారింది.ఉత్తర భారతదేశంలోని మధుర, బృందావన్, వారణాసి, ప్రయాగరాజ్ ప్రాంతాల్లో హోలీ పండుగను అత్యంత ఘనంగా నిర్వహిస్తారు.వంగ దేశంలో డోలోత్సవం లేదా డోలికోత్సవం జరుపుకుంటారు. ఆరోజు శ్రీకృష్ణుడు గోపికలతో కలిసి బృందావనంలోని పువ్వులతో, రంగులతో ఈ ఉత్సవాన్ని జరుపుకున్నట్లుగా భావిస్తారు. ఇలా రంగులు, పూలు చల్లుకోవడం ద్వారా ప్రేమ, సౌభాగ్యాలు వెల్లివిరిస్తాయని నమ్ముతారు.