నిప్పులాంటి నిజాలు:- -గద్వాల సోమన్న,ఎమ్మిగనూరు

జీవితమంటే గమనము

అక్షరాల అద్భుతము

చేర్చాలోయ్! గమ్యాన్ని

పొందాలోయ్! విజయాన్ని

పదే పదే పాడినా!

పాట మధురమవుతుంది

ఎన్ని సార్లు ఓడినా!

గెలుపు పిలుపు వినిపిస్తుంది

నిరంతర సాధనతో

ఏదైనా సాధ్యమే!

తినగతినగ వేము కూడా

తియ్యగ నుండు విదితమే!

వాస్తవాలు ఎప్పుడూ

చేదుగా ఉండు కదూ!

అబద్ధాలు అహర్నిశలు

తేనెలా ఉండు కదూ!

విజ్ఞానపు వెలుగులో

నిన్ను నీవు చూసుకో!

అజ్ఞానపు ముసుగులో

ప్రమాదముంది తెలుసుకో!