రోదసీ రాణి...సునీతా విలియమ్స్..!:- కవి రత్న సహస్ర కవి భూషణ్ పోలయ్య కూకట్లపల్లి-అత్తాపూర్ హైదరాబాద్

పుడమితల్లి

పులకించిన వేళ...

ఆమె అడుగులు

నేలను ముద్దాడిన వేళ...

సునీత నవ్వు ఒక నక్షత్ర కాంతి...

ఆమె ఆత్మస్థైర్యం ఒక ఖగోళ గీతం...

ఓ రోదసీ రాణి..!

ఓ అంతరిక్ష ఆణిముత్యమా...

జయహో..! జయహో..!

ఓ సునీతా విలియమ్స్...జయహో..!

నాడు 9 నెలలు...తల్లి గర్భంలో...

9 రోజులు...సముద్ర గర్భంలో...

నేడు 9 నెలలు...ఆకాశ గర్భంలో...

పరిశోధనలు చేసిన ఓ సునీతా...జయహో

గురుత్వాకర్షణ

కట్టి వేసిన సంకెళ్లు తెంచి...

విశ్వాంతరాళంలోవిజయగాథను

లిఖించిన ఓ సునీతా...జయహో...!

విశ్వమంతా తిలకించింది

మీ అంతరిక్ష సాహస యాత్ర...

ఆడుతూ పాడుతూ

భుమి చుట్టూ పరిభ్రమిస్తూ...

16 సూర్యోదయాలు...

16 సూర్యాస్తమయాలు...

తిలకించిన...ఓ సునీతా జయహో..!

4576 సార్లు

భూమిచుట్టూ భ్రమణం...

19.50 కోట్ల కిలోమీటర్ల

వేగవంతమైన నక్షత్ర యానం...

చేసిన ఓ సునీతా... జయహో..!

భూమి తల్లి ఒడిలో

1650 డిగ్రీల వేడిని దాటుకొని...

డాల్ఫిన్ల హర్షధ్వానాల మధ్య...

సురక్షితంగా లాండైన  క్రూ డ్రాగెన్"ఫ్రీడం".

9 నెలల ఉత్కంఠకు తెరపడిన వేళ...

140 కోట్లమంది భారతీయులు

భరత నాట్యం చేసిన శుభవేళ...

సీనియర్ వ్యోమగాములు...

సునీత విలియమ్స్, బుచ్ విల్మోర్.

నిక్ హేగ్, అలెగ్జాండర్ గోర్బసేవ్ లు

పుడమి తల్లి ఒడిలో వాలిన వేళ...

"జయహో జయహో "

ఓ వ్యోమగాములారా...

ఓ అంతరిక్ష యాత్రికులారా...

"గ్రాండ్ వెల్ కం టు బ్యాక్ ఆన్ ఎర్త్!"

అంటూ ప్రపంచమంతా వారికి

హర్షధ్వానాలతో ఆహ్వానం పలికింది...

సురక్షిత సుఖమయ ప్రయాణానికి

శుభాకాంక్షలు చెప్పింది...

సునీత అంతరిక్ష విజయరథానికి

సుమస్వాగతం..ఘన స్వాగతం పలికింది