పల్లెల్లో నాటి సహజత్వమేది!?:- అంకాల సోమయ్య-దేవరుప్పుల-జనగాం-9640748497

ఒకప్పుడు పల్లె తల్లి లెక్క ఉండె

ఇప్పుడు పట్నం సోకులు పులుముకొని 

కృత్రిమంగా మారుతోంది

నాడూ నా పల్లె తల్లి‌  

నీకేమి కావాలనేది

నేడు పట్నం సోకులు పులుముకొని 

నేడు  పల్లెప్రియురాలు వలే

నాకేమిస్తావంటుంది

నాడు నా పల్లె

పచ్చని చెట్లతో

పాడిపంటలతో తులతూగేది

నేడు యాంత్రిక వ్యవసాయంతో

సేంద్రియ ఎరువులు కనుమరుగై 

రసాయనిక ఎరువుల వాడకం పెరిగింది 

నా పల్లెలో

ఒకప్పుడు కల్లు సారాయే దొరికేది అదే

తాగేది

ఇప్పుడు స్వదేశీ విదేశీ మద్యంతో నా పల్లె మత్తులో జోగాడుతుంది

పల్లెలో కూడా ఇప్పుడు

ఆంటీ అంకుల్ విషసంస్కృతి దిగుమతై వావి వరసలకు  వక్రభాష్యం చెప్తుంది

ఇప్పుడు నా పల్లె సంకరీకరణతో 

మహా నగరంలామారలేక

తన సహజత్వాన్ని పుణికి పుచ్చుకోలేక

రెంట చెడ్డ రేవడైంది

పల్లెలు దేశ సౌభాగ్యానికి పట్టుకొమ్మలని

పల్లెమన మూలవేరని

పల్లె మనం సేదదీరే

కన్నతల్లి ఒడి అని  నినదిద్దాం2

పల్లెలను కాపాడుకుందాం2

కాంక్రీట్ జంగల్ విష సంస్కృతి నుండి

మట్టిని ప్రేమించే

మట్టి మనుషులుగా

మనంసహజంగా

జీవించడానికి పల్లెల్ని 

పునర్ నిర్మించుకుందాం2

మన పల్లెతల్లులకళ్ళలో

ఆత్మగౌరవరేఖ

పొడచూపేలా

 చేద్దాం!?

పల్లెల సహజత్వాన్ని భంగపరిచే ఎటువంటి విధ్వంసాన్నైనా

మనం వ్యతిరేకిద్దాం !?2

అంకాల సోమయ్య-దేవరుప్పుల-జనగాం-9640748497