: పుస్తకం :- భైరగోని రామచంద్రము :-స్కూల్ అసిస్టెంట్, తెలుగు -హైదరాబాద్-చరవాణి :9848518597

పుస్తకం హస్తభూషణము 

మస్తీష్కమును మేలుకొల్పును పుస్తకం 

చినిగిన చోక్క అయినా తొడుక్కో 

కానీ ఒక మంచి పుస్తకం కొనుక్కో అనేది 

అనంతకోటి సత్యం 

ఒంటరితనాన్ని పోగొట్టునది 

నైతికతని పెంపొందించునది 

మానవవిలువలు నేర్పునది 

మంచి మిత్రున్ని కలుపునది 

పుస్తకం.

చీకటిని ప్రారద్రోలునది 

వెలుగును ప్రసరించునది 

చైతన్యంను కలిగించునది 

సమాజంను మేలుకొలుపునది 

మంచి పుస్తకం.

వీరులను తయారుచేయునది 

మేధావులను వెతికితీయునది 

జాతి నిర్మాతలను సృష్టించునది 

సృష్టికి ప్రతిసృష్టి చేయుటకు 

సహకరించునది పుస్తకం 

ఖండాన్తరాలను దాటించునది పుస్తకం.

===========================

 (అంతర్జాతీయ బాలల పుస్తక దినోత్సవం సందర్బంగా రాసిన కవిత )