రామ నవమి;- భైరగోని రామచంద్రము -స్కూల్ అసిస్టెంట్, తెలుగు హైదరాబాద్-చరవాణి :9848518597

లక్ష్మీ సమేతుడైన శ్రీమహావిష్ణువు 

త్రేతాయుగంబున చైత్రశుద్ధ నవమియందు 

కౌశల్య దశరథులకు 

రఘువంశోత్తముడుగా జన్మించెను 

ఇదే రామ నవమి 

రామ అన్నా పాపములు 

పటా పంచలవును 

శత్రువులు పరుగెత్తుదురు 

దుష్ట శిక్షణ శిష్ట రక్షణకు 

త్రేతాయుగ పురుషుడు 

అవతరించిన రోజే రామ నవమి

మిథిలా నగరమందు జనకుడి 

క్షేత్రంలో భూమిజ అయోనిజగా అవతరించిన జానకిని 

విశ్వామిత్ర సమేతంగా వచ్చి 

శివధనుస్సు నెత్తి 

పరిణయమాడిన రోజే 

రామ నవమి 

తండ్రిమాట జవదాటకుండ 

పదునాలుగు సంవత్సరంబులు 

అరణ్యములోనుండి సీతనెత్తుకెళ్ళిన 

అసురున్ని సంహారించి 

ధర్మపత్నితో అయోధ్యకుదెంచిన 

దాశరథికి పట్టాభిషేకం 

జరిగిన రోజే రామ నవమి 

రామ రాజ్యంలో ప్రజలందరు 

సుఖసంతోషంతో ఉండిరి 

ప్రతీ రోజు రామ నవమి జరుపుకొంటిరి 

( శ్రీరామనవమి సందర్బంగా రాసిన కవిత )