అమ్మ జీవితం...నాన్న సమయం...: -..:- కవిరత్న సాహిత్య ధీర సహస్ర కవి భూషణ్ పోలయ్య కూకట్లపల్లి అత్తాపూర్ హైదరాబాద్

జీవితం...సమయం 

మనిషికి గొప్ప గురువులు... 

సమయాన్ని 

ఎలా సద్వినియోగం చేసుకోవాలో 

జీవితం తెలియజేస్తుంది 

జీవితం ఎంత విలువైందో 

సమయం చెబుతుంది 

అమ్మ జీవితం...నాన్న సమయం... 

అమ్మానాన్నలు కూడా 

మనకు గొప్ప గురువులే... 

జీవితంలో 

తారసపడే పదిమందికి 

"స్వచ్చమైన ప్రేమని" 

ఎలా పంచాలో "అమ్మ" చెబుతుంది 

జీవితంలో 

ఎదురయ్యే సవాళ్లను 

సాహసంతో ఎలా ఎదుర్కోవాలో... 

ఎవరికి తలవంచక 

తలదించక తలఎత్తుకొని 

ఆత్మ గౌరవంతో ఎలా బ్రతకాలో... 

నిప్పులా మండుతూ 

నీతిగా నిజాయితీగా

మచ్చలేని వ్యక్తిత్వంతో

ధైర్యంగా ఎలా ముందుకు సాగాలో... 

శ్రమించి విజయాల్ని ఎలా సాధించాలో

విజేతగా విశ్వవిజేతగా ఎలా నిలవాలో...

హాయిగా ప్రశాంతంగా ఆనందంగా 

ఎలా జీవించాలో "నాన్న" చెబుతారు

జీవితంలో 

అమ్మా నాన్నలు 

చెప్పిన మాటలు 

గుండెల్లో మ్రోగే గుడిగంటలు... 

పంచిన ప్రేమలు

పొలంలో పాండే పచ్చని పంటలు...

అమ్మ ఒక దేవత...నాన్న ఒక దైవం... 

అమ్మానాన్నలు మనకు ప్రత్యక్ష దైవాలు.

సేవించి పూజించాలి ప్రతినిత్యం... 

అదే శక్తి అదే భక్తి ఆనాడే ముక్తి... 

ఇది నిత్య సత్యం...ఆశల ఆణిముత్యం 

ఇది నమ్మలేని ఒక నగ్నసత్యం...