ఎలా ప్రేమిస్తాం!!!?:- డా ప్రతాప్ కౌటిళ్యా

సమాధులను పూజిస్తాం!

సమాధులను గౌరవిస్తాం!!

సమాధులను ప్రేమిస్తాం !!

సమాధులను నిర్మిస్తాం!!!

దేవుళ్ళ సమాధులే 

చర్చిలు- మసీదులు -గుళ్ళు -గోపురాలు

తరతరాలు 

ఈ సమాధులను మోస్తాం 

మోస్తూనే ఉంటాం!!!?

తరతరాలు 

ఈ సమాధులను నిర్మిస్తాం 

నిర్మిస్తూనే ఉంటాం!!!?

కానీ మనుషులను 

మోసగిస్తాం !!

మనుషులను 

ద్వేషిస్తాం !!

మనుషులను 

పగబడతాం !!

మనుషులను 

అసహ్యించుకుంటాం!!

పగలబడి నవ్వుతాం!!!

మనల్ని మనం 

మోయాలంటే 

మన మనుషుల్ని మనం 

మోయాలంటే 

భయపడతాం- పారిపోతాం 

పక్కకు తప్పుకుంటాం

దూషిస్తాం - దూరమవుతాం 

మనుషుల్ని ఎలా ప్రేమిస్తాం!!!?

=================================

డాక్టర్ బి.ఆర్ అంబేద్కర్ జయంతిని పురస్కరించుకొని. 14/04/2025

===================================

డా ప్రతాప్ కౌటిళ్యా 👏