అమ్మ!!: -డా ప్రతాప్ కౌటిళ్యా.

చెత్తలోంచి దుమ్ములోంచి 

మట్టిలోంచి పుట్టుకొచ్చి 

మనిషికి జంతువుకు కాయను పండును 

ఆకును ఇచ్చి ఆకలి తీర్చి 

చివరికి నీడను నిప్పును కప్పును 

సర్వస్వం ఇచ్చి 

చచ్చిపోయిన మహావృక్షం -ఆమె.

ఆమె -అమ్మ!!

స్వాతి చినుకుతో 

మహాసముద్రంలోతుల్లో మునిగి 

మంచి ముత్యాన్ని కన్నా అనంతగర్భం దానిది.

చిప్పే

ఆల్చిప్పే ఆత్మ త్యాగం చేసిన 

ఒక మహా సముద్ర గర్భం అది 

అది -అమ్మ!!

గగన తలం గర్వం అనిచి 

మంచు పర్వతం తలవంచి 

దేశ దేశానికో ప్రేమ సందేశం పంచిన 

మేఘసందేశం అది 

అది ఒక మహానది. అదే- అమ్మ!!

ముసలిది 

కానీ అది సింహం- ముసలి సింహం!!

తన గొయ్యి తానే తవ్వుకొని 

ఎవరి సహాయం కోరకా 

తన చావు తానే చచ్చి -మరణించే 

మహారాణి ఆమె-ఆమె అమ్మ!!!

అంతర్జాతీయ మాతృ దినోత్సవాన్ని పురస్కరించుకునీ

(మే రెండో ఆదివారం).

డా ప్రతాప్ కౌటిళ్యా.