1.
.గ్రంథాలయం లౌకిక రాజ్యం, లక్ష్యం జన సంక్షేమము!
అది అందరూ అడుగిడే, ఆత్మీయ జ్ఞానమందిరము!
చదువు వాచక తపస్సు, గ్రంథాలయం తపోవనము!
సార్థక అక్షర వెలుగుల ,
తాజ్ మహల్ గ్రంథాలయము!
గ్రంథాలయం పుస్తక ప్రపంచం, ఆరుఋతువుల వసంతమే!
2.
రచయితల ఆత్మలు,
అక్షరాలవుతాయి!
అవి గ్రంధాలలో,
పదిలంగా దాగి ఉంటాయి!
చదువరుల మెదళ్ల లేళ్లయి, దూక తహతహలాడతాయి!
ప్రవేశించి తప్పక ధన్యం ,
అవుతామని విశ్వశిస్తాయి
గ్రంథాలు విజ్ఞాననిధులు,
కన్నులెదుట దైవప్రతినిధులు!
3.
స్వాతంత్రోద్యమ,
లక్ష్యం దాస్య విముక్తి!
గ్రంథాలయోద్యమ,
లక్షణం, జ్ఞానప్రాప్తి!
ఈ లక్షణం సర్వజన,
లక్షణం, కావాలన్న స్ఫూర్తి!
ప్రతి ఏటా గ్రంథాలయ, వారోత్సవాల నిర్వహణ దీప్తి!,
గ్రంథాలే నిజంగా ,
తరతరాలకు తరగని ఆస్తి!
4
ఊరురా గ్రంథాలయాల, నిర్మాణాలు జరగాలి!
దేవాలయం నిర్మిస్తే కొందరికే, గ్రంథాలయం అందరి కోరికే!
పౌరులలో నిత్యం ,
పఠనాసక్తి పెంచాలి !
పఠనంతో వివేకం ,
వివేకమే వికాసం కావాలి!
గుడ్డి విశ్వాసాలు, మూఢనమ్మకాలు తొలగాలి!
5.
గ్రంథాలయాలు అజ్ఞాన,
అంధకారాన కాంతిరేఖలు!
యువత హస్తాన ,
ఉపాధినిచ్చే భాగ్యరేఖలు!
ప్రగతి దారి ప్రయాణంలో,
తోడుండే కరదీపికలు!
చదివిన వాడే విజ్ధుడు,
అన్నది నిత్య సత్యం!
పుస్తకం హస్తభూషణం ,
మస్తక జ్ఞానభాండాగారం!
_________
addComments
కామెంట్‌ను పోస్ట్ చేయండి