గతం:- అంకాల సోమయ్య-దేవరుప్పుల-జనగామ-9640748497

గతాన్ని మళ్ళీ మళ్ళీ

తొవ్విపోయకు

అది కష్టనష్టాల సమాహారం

తీస్తే సినిమా అవుతుంది

రాస్తేనవల అవుతుంది

గ్రంథస్థం చేస్తే

సమగ్ర మానవవ్యక్తిత్వవికాసమవుతుంది

గతాన్ని జీర్ణించుకోలేని

చరిత్ర హీనులు

గతన్నెప్పుడు

తలుచుకోవొద్దు

బోగీ మంటల్లో దగ్దం చేయమంటారు

 విచక్షణ లేని వారు

అనారోగ్యాన్ని సహితం చేదు మాత్రతోనే 

నయమవుతుందన్న ఇంగితం కూడా లేని

సోకాల్డ్ మేధావులు

గతమంటే అది వ్యక్తిత్వాన్ని సమున్నతంగా ఆవిష్కరించే

ప్రగతిశీలవాదం