మౌన ప్రేమను పండించిన చెలి: - విత్తనాల విజయకుమార్, హైదరాబాద్-9985117789

సాహితీకవికళా పీఠం

సాహితీ కెరటాలు

==============

మౌన ప్రేమను పండించిన చెలి

ప్రేమ — ఒక ఆకర్షణ,

వయసు తెచ్చే చేష్ట —

మనసులో రేగే అలజడి,

మధురమైన భావనలు పుట్టి,

ఎదలోన జాగృతమైన మమత...

తెలపవలెనను కోరిక, తెలుపలేక,

భాష లేని మౌనమే — మధురమైన అనుభూతి.

మలిన మెరుగని మనసున, మనవి చేసి —

సొంతమనుకొను మనసుకు ఒసగకుండా,

ఎదురు చూపులు, రూపులు ఎదను తాక,

పరవశించిన పడతికి — మౌన ప్రేమ!

ఈమె వలచిన ప్రియుడు ఇదే విధముగ,

ఈమెపై ప్రేమను తెలుపని — మౌని!

మౌన ప్రేమలు అంతరంగమున సమాధి కాకుండా,

వెల్లడించని అభిమతి — వెలుగు చూడ...

పడతి కదలిక గమనించిన ఒక చెలియ వలన —

తెలిసి, పురుషుడు స్పందించి తెగువ చూపె —

వలచిన మగువకు తన వలపు తెలిపె —

పెద్దలకు తెలుపగ, పెద్ద మనసు చూపె.

ప్రేమికులు మనవుతో ఒక్కటయ్యి —

అనురాగపు స్వరాలతో,

హృదయవీణలు మీటగా —

ఎదను దాచిన వలపులు

పొంగి, పొరలె...

•••••••••••••••